2009第一餐晚餐

忙碌的一天。

一早起身唔想煮早餐，去咗活活食。

食完早餐去街市買咗條鯛魚。

下午冇食午餐，因為要整野食。

大小姐成為SNG廚房第一位客席廚師。

某人話要整的餸菜。結果一樣都冇做過。

前菜，煙三文魚及自製的栗甘团。

買返來的丹波黑豆、紅白魚蛋、昆布卷及數之籽。

自己整的伊達卷及雞肉丸子。用部新Blender打的雞肉非常幼滑，伊達卷由於個火喉控制得唔好，結果要返手做，不過印咗個Baking Tray上的坑紋上去又幾得意。

伊達卷材料：雞蛋九隻、魚糕220g、麵粉1茶匙、砂糖80g、料理酒1tsp、味醂1.5tsp、淡醬油1tsp及鹽少許。

伊達卷缺法：預熱焗爐至180度。用Mixer將所有材料打勻，如果Mixer打得夠滑就唔洗過篩。焗盤(我用8X11吋)上放Kitchen Paper(可用牛油紙)，倒入蛋液，面用鋁紙遮蓋。焗十至十五分鐘或至蛋定形。待蛋略涼時在內側刻上淺坑，用壽司竹卷卷好定形及用膠圈扎好。

鳳城蠔鬆。鳳城蠔鬆係第三次整，應該唔會再整啦，因為太多工序要做，切都要切兩三個鐘，炒又要炒半個鐘。今次因為有人唔食西芹或唐芹，冇落到，所以個色冇咁好睇及比啲鴨肝腸搶咗啲味，如果有芹菜的味道去中和臘味的味道，個餸會平衡好多，呢啲係古人的智慧，唔食其中一樣的話都係唔好浪費心機去煮啦。是日買的羅馬生菜比較幼身，唔係太適合包來食。

少了一點青綠色。

西檸鴨胸。由於要係煮蠔鬆中間偷啲時間出來煮，個芡杰咗少少。仲有啲地方可改良，啲筋膜要清得徹底啲同埋再拍多啲塊鴨胸。

整咗幾天的築前煮、鹽燒鯛魚及白飯一煲。原來切一個五角形係唔容易的，下次都係買個模返來壓個紅蘿蔔比較好，蓮藕都係切花比較好看，今次因為切咗片先醒起，所以只係切咗幾片來玩下。

粟米魚肚羹。

食日本新年餐當然要飲清酒啦。

軟心朱古力蛋糕。

相關網址：

新年大餐

日式新年大餐