星期日的京奧

昨天依然要被迫看京奧，一早起身就睇到菲比斯(Michael Phelps)在男子四百米個人混合泳決賽破世界紀錄的成績勝出，一次過破秒幾唔係一件容易的事，尤其唔係著住啲唔知乜乜戰衣。

傍晚時份最特別的都係冼東妹個面柔道金牌，我本身唔識睇柔道，不過我覺得佢玩緊摔跤多啲，不過都恭喜佢可以再金攞牌。

到夜晚的時候當然要睇中國對美國呢場大戰啦，連美國總統小布殊、老布殊及外長楊潔篪都一齊睇的賽事點可以唔睇呢。雖然結果大家都唔洗點估，但係整場的可觀性非常高，特別係第一節以姚明的三分球展開的比賽就非常好睇，一個七呎五吋的人射三分球，之後整隊中國隊用體力及放棄用姚明內線的能力改以三分戰術去對抗美國的攻勢，以幾分的距離結束第一節，整體來講呢節中國真係打得非常好，放棄一個主力去引幾個對方球員看守，等其他隊友可以輕鬆的射三分球，三分外投一向都係中國的看家本領，比多啲時間佢準備射，投入的機會率非常高。

第二節美國就開始了反擊，始終實力真係高二班以上，適應了中國的打法之後就開始強攻，特別係轉守為攻的速度中國跟本追唔上，冇咗姚明係籃底跟本就係表演時間。第三節其實中國係可以收窄差距的，但奈何體力不繼，只係輸比自己，有一段好長時間射的open shot都射唔入，正常情況下應該可以入返十分八分。到第四節變返個表演時間，不過今之係中國的，唔係美國，易建聯忽然上返力，加上冇人留意的王治郅，佢始終有一定的實力，係對抗力度唔夠，最後將比數收窄到三十一分距離。

最值得大家讚賞的都係呢則新聞：

http://hk.news.yahoo.com/article/080810/4/7mf6.html