午餐@大埔街市

忽然個人鬆晒，連個腦都唔係好想諗野。係大埔四維hea咗大半日，下午都係去咗大埔街市樓上的熟食檔食。成三點都仲係咁多人係度食野，粉麵就唔係好想食，茶餐廳又早上吃過，不如試下檔泰國菜啦。

老婆叫咗碗蔗蝦撈檬，我就叫咗碟辣椒膏海鮮炒河。蔗蝦就不過不失啦，檬粉的配料就唔係好夾啦，用芽菜有點唔係咁相配。碟海鮮河粉炒得幾好，香葉的味道隨蒸氣滲透出來，不過味就唔係好夠，正當頭痕的時候看見枱面有泰式四味係度，於是加少許魚露、醋及砂糖就好好食啦。

係大埔住咗多年，其實都好少係區內用膳，今次發覺呢度啲食品都幾經濟，32蚊一碟仲有杯野飲，質素都跟價錢成正比，下次再試下其他店舖啦。