20080821 Lunch @ Taj Palace Indian Restaurant

原來冇係尖東食過印度菜，又係開飯搵到呢間印度菜。本身喜愛食印度菜，但係又冇心機去了解印度咖哩的成份，因為太多香料啦，基本的幾隻都仲分得出，太仔細的就食唔到，要我整的話真係唔知要幾大個香料架啦。一般坊間的印度菜都已經本地化咗，唔係好肯落香料，其實應該係好多香港人都頂唔順至真。

午餐係38元冇加一，都算合理啦，有：湯，唔係普通的一碗西湯，味道可以啦。

一小塊炸的前菜Samosa、一碟咖哩食品跟飯。Samosa係薯茸、洋蔥及一些香料。呢碟係咖哩羊，唔係好辣（十二月麥太的標準，我就話唔辣啦）。

呢份係超辣咖哩雞（中文名），印度文就唔知係乜啦。呢個餸應該係比印度人食的，好重香料味，（特別係小茴香籽味，其他就食唔出）似係印度食個啲咁味。

唔單止有飯，仲有Naan一塊。個面有啲硬，軟返少許會更好。

仲有一杯飲品。

咁嘅份量同價錢都算合理，當然要試返餐牌個啲咖哩先可以作準啦。