十二月麥太又有新主意，係開飯搵到一間好近佢屋企的店舖，買完就返咗佢屋企食。
開飯當然要影相，影完就當然係大吃特吃啦。
之前都已經問咗麥太麥生食唔食辣，因為上次另一位麥生食完我認為唔辣的辣就已經噴晒火，仲變埋一孖臘腸。買的時候就叫咗要小辣，不過結果當然係四川人煮的小辣啦
。
三個人吃咗：口水雞米線、酸辣粉、蒜泥白肉及川北涼粉。
川北涼粉：冷盤一份，粉滑但係個汁冇乜味，得小辣咁多。
酸辣粉：味道比涼粉多咗一點麻及好少好少的酸味。
蒜泥白肉：蒜泥多到你唔信，剩低個啲炒多兩碟菜都可以，蒜味太重攪到啲味道唔平衡，食唔到其他味。豬肉用咗豬後腿肉，肥瘦分明，唔似一般常用的豬腩肉咁。
口水雞米線：味道最正常，個湯有加豆瓣醬去煮，層次感出返晒來，唔會好似上個幾味咁。
可能係叫小辣的關係，食唔到佢有乜特別囉，同埋油份比較重。
食完今餐後，可以得出一個結論係麥先生係百份百唔食辣的
。其實麻辣唔係咁易食，廣東人一般都唔慣花椒個陣麻酸味。
講到呢度大家都發覺點解冇相睇呢
差極都會有幾張手機相望下，想知答案就要從連結中尋找。
沒有留言:
張貼留言