午膳＠大榮華

同家中兩老睇完戲，當然要醫下肚啦，基本上將兩老不吃的東西加埋一齊係唔洗出街食的。係MegaBox入面的食肆大部份都唔係咁啱口味，合適的又口碑唔係咁好，於是走咗去大榮華食午餐。

人人都話好食的馬拉糕，其實都唔係咁好食，蒸的技巧係好好，但係用吉士粉太多去替代蛋香的不足，我就唔係太欣賞啦，都係以前用靚蔗糖同靚蛋去整會好食好多。

以前兩老指定要食邊的，今次呢舊就要比佢地食返啦。

大包一個，老婆話唔夠大，要有個碟咁大先合格。

油菜一碟跟陳皮牛肉（多味精）。都未食過一入口就知道勁（多味精）。

極品蝦餃。啲皮似水晶包多啲，蝦肉仲要孱水。

胡椒豬肚湯。多啲胡椒同啲腐竹洗清啲油會更好。

酥炸鹹雞籠。即係鹹水角，個皮唔油，但炸多些少時間（唔夠香口）會更好食。

奶皇酥，個皮做得幾好。

我倆都冇食過，因為老竇話個飯煮得好好食。

北菇燘鴨掌。鴨掌仲未入晒味。

都算見識過比人捧到好好食的圍村菜啦（其實之前有人話呢間係最差的一間，所以佢地都唔去食）。啲食物有以前的風，但欠咗陣味。