送行@20080812

有兩個小朋友要到歐洲遊玩，晏晝去咗買定啲零咀，夜晚就去咗玩煮飯仔。其實唔係咁喜歡平日煮的，因為預備時間唔多，又做完一日野之後身心俱疲，仲要食完都好夜。不過時日無多就是但啦。

買咗二斤半河蝦，去殼後打蝦膠，弄成丸狀後上粗麵包糠炸。都係撻得唔夠，應該要多三十下就可以啦，不過個廚房就

蝦殼就用來煲冬蔭公湯。

係街市見到有新鮮魷魚，魚身起薄片泡油，加智利蘆筍及蠔油炒。

本來係整牛肝菌意大利飯，但係劏魷魚時順利拿出兩個墨囊，咁就加埋啲墨同魷魚鬚落去啦。不過唔係咁多人鍾意食。

另外加咗啲羊架，用豉油、胡椒粉、雜香草及油醃一晚，加少少芥辣食。

最後一味就係椒絲腐乳通菜。用電磁爐炒菜仲係手腳慢咗啲，黃咗少少。

生果就係石峽龍眼肉。