20080717的晚餐

是晚走咗去同creamy玩，又可以自己煮下飯仔玩．其實係想再實習一下用電磁爐煮中菜，睇下可以煮到點嘅樣。

美國蘆筍洋蔥炒帶子。去到街市買咗啲帶子，仲見到有美國大蘆筍，於是就加少少洋蔥又炒埋一碟。帶子肉先飛水比油泡更好食，蘆筍就汆水至七成熟，用蒜泥洋蔥起鑊，再加入帶子裙邊，再加入帶子肉及蘆筍，下糖及蠔油略炒一會後上碟。

日本梅子燜法國鴨胸。原本應該用乾蔥頭的，但係唔想買一包，於是就改用洋蔥粒代替。先煎好鴨胸至三成熟，盛起後用鋁紙蓋好。之後用洋蔥起鑊，加入磨豉醬，糖，生抽，四粒去核的日本梅子及上湯煮汁。約十分鐘後再加入鴨胸多煮五分鐘完成。食用前將鴨胸拿出切片，汁液就再用大火收乾後淋上鴨胸片上。

美極煎花竹。老婆拍定食品，由於蝦有羔，所以唔開背，從頸身中間抽出腸抹乾後放入雪櫃約半小時後再用中慢火煎熟，灒酒後加入美極及蔥花。

罐頭忌廉雞粒蘑菇湯加鮮蘑菇。屋主的剩餘物資。

拳頭咁大的番鬼荔枝。核少又好甜。

後記：

Creamy同Coffee今天吃了鴨胸及花竹，要消化得澈底一點，唔可以比爸爸知道。

兩隻小鬼今晚跟埋我倆入升降機。