20080705的晚餐

今晚呢餐係呢間屋最後的一餐六人大餐，都唔係煮乜特別野，係盡量清晒啲存貨啫．

腐皮壽司，２Ｌ帶子，加四式魚生．

麻醬粉皮．

蔥油海蜇加辣（上一張相的左下角）．

緊急後備食糧，焗田螺．

蝦子草菇車輪鮑燴鵝掌．今次將啲車輪鮑跟鵝掌，火腿及上湯一起壓廿分鐘，排壓後盛起鮑魚及鵝掌，再將汁液收至杰身，再加入已汆水的本地有機草菇，之後用豆粉水埋芡．灼好的唐生菜舖底，放上鵝掌，草菇及已切片的鮑魚，淋上芡汁先記得烤好的蝦子冇放入個芡入面．．．最後圍邊放上就算啦．

用二斤河蝦整成的十一個蝦餅配泰式沾醬，原來真係用返河蝦先可以造返鮮同彈個種感覺，唔想開新油去炸，結果用煎的方式去完成呢味餸，由於同時要整幾樣野，有幾件變咗非洲小黑人，如果炸蝦丸個效果會更好．蝦先去殼洗淨抹乾，再用刀身拍扁，然後粗刴，再加入魚露，糖，白胡椒粉及豆粉依單一方向攪至起膠．由於天氣熱，放入雪櫃冷卻後再撻一百下左右，最後弄成球狀及沾上粗麵包糠．

最後一味係白汁薯片馬介休，原來係今批馬介休比較鹹，下一次要浸耐一點及換多幾次水先可以．

仲有蒟蒻及雪芭做甜品．

今晚六個人飲咗二板白酒，一枝紅酒，二枝啤酒．．．仲有一份砵酒．．．所以啲玻璃杯要明早才可以洗．．．