20100406的晚餐

今日行咗半日山，返來都成八點鐘，一個半小時完成兩個焗餸。

先將600克薯仔刨薄片，用手壓出水份，加入蒜泥、100ml牛奶、300ml忌廉、鹽、胡椒及荳蔻粉拌勻。

焗盤塗上牛油，舖好薯片，上面放上100克刨好的Gryuère芝士，150度焗一小時。

今日行完山本來出圓方的超市買食材今晚食，但係見完個價錢之後就冇野買得落手，因為昨天去完Prince Building見到個價錢都冇佢咁貴，真係當上面住個班人係水魚來劏，最後搭車去城市超級買咗隻雞返來燒。先用岩鹽、魚露、鮮Thyme、生抽及蒜泥醃個雞腔，雞胸下的雞皮就放入牛油及鮮Thyme，雞皮就上少許老抽，雞腔放入三份一隻檸檬後用竹籤封口，放入焗爐先焗雞背，再焗雞胸，最後上少許蜜糖。

Gratin Dauphinois。

燒雞加自製Honey Mustard。終於發現原來個雞胸下面有油及雞汁個皮會唔燶的。