鵝肝醬

奧利花啲鵝肝減價，買咗幾大份返來。

．

見查太係彼邦整得咁過癮，於是又係二仔底。

有啲食材買唔到，唯有自行加減。

鵝肝先用手略打開，然後抽出血管及筋，盡量保持大塊。

手術過程中冇時間拍照。

之後用鹽及胡椒調味，加入香草，（羅勒、牛至受及Cinq Parfums）冇存貨或搵唔到，只係用上鮮百里香，塗勻之後就加入烈酒，黑冧酒、拔蘭地及Monbazillac甜酒，不過隻Monbazillac又係未搵到，唯有用少許橙酒代替。放雪櫃醃廿四小時。

之後放入盛器之後，用手壓實。

原本係加蓋一百度Water Bath三十八分鐘，不過有紗紙係手就加二層係面。

放入熱水浸浴。

完成後，用保鮮紙包好待涼後放入雪櫃保存。面有一層薄薄的液態鵝油。

今早開蓋見個面啲鵝油已經變晒黃色，下面就跟正常肝醬的質感一樣。