20100402的晚餐

放假先至下雨，冇乜癮，最好又係食食食啦。

之前整過二次包意大利餃子，都唔係好成功，今次再試整多次。

用三百克小麥粉，三隻大蛋及少許鹽，搓好後休息半小時。

另外餡料就用125克Ricotta芝士及200克切碎的煙三文魚。

餃皮壓至六號的厚度。

好似一排郵票。要吹乾一陣先容易分開。剩返啲邊都有一百四十克左右。

一大煲加鹽的水煮至全部浮起。

用牛清湯做湯底，加一碟辣鳳爪及炒蘆筍。

今次整得好成功，下一次可以試下再壓薄多一號睇下會點。