20091218的晚餐

天寒地凍，炒啲餸好快凍，炆野又唔係成日有時間整，都係煮返餐火鍋食下。

咁啱吉ｘ島又減價，無啦啦又買多咗野啦。

五分鐘內切好晒，最花時間都係將啲蒟蒻開花。

係廚房整好晒之後將個煲攞出廳，點解個爐會出E-1的．．．搵返本說明書先知係搵唔到個煲，再試用另一個不鏽鋼煲，都係唔得，見瘋宅仲未關門就即刻去買個新返來，呢啲家電都係有自我毀滅功能，夠鐘就會死亡．．．都係買個平平地就算啦．．．

一煲咖哩，非常暖胃。