Twins@仁安

昨晚多咗兩個姪．．．

．

今晚早點收工入去見佢地兩面．．．

．

．

大女五磅十一，細仔六磅三．．．

．

．

近兩個幾月都冇見過阿嫂．．．

因為唔想上去打擾佢休息．．．

原來佢生之前真係成個籮咁大，生完之後終於可以跟腳趾相認返啦．．．

．

．

上一次去醫院睇BB係一九七七年某親戚生咗個女，阿媽帶埋我一齊去香港的法國醫院探親，自始之後都冇再去過醫院睇初生BB啦．．．

．

唔去的原因係唔想阻住人地休息，生完真係好辛苦的．．．

今早都仲諗緊去唔去好，想下午打個電話去問下大嫂的身體狀況先．．．

點知今早老竇八點鐘打電話來叫我記得去探人，咁即係冇得選擇啦，又問我知唔知呢樣個樣，（我又唔好意思話佢知我乜都比佢知得早好多，大佬唔一早講佢地知太多野係唔想佢地有太多唔合理的期望，產前的測檢始終有誤差的，一陣結果同期望有落差的時候就唔好啦。）我唯有答知道啦．．．