20091207的晚餐

今日係龍蝦先生第二回合。

個蝦頭唔再切咁細，只係上下分開就算，連埋啲腳炒香贊酒後加入紅蘿蔔、西芹、豆苗莖、連皮蒜頭、香葉、黑椒粒及檸檬去煲個湯底。另外再加入上次用焗爐烤過的波士頓龍蝦殼。約煮十分鐘後將帶肉的龍蝦殼取出折肉。

搞咁多野都係為咗今晚煲龍蝦意大利飯。

先將龍蝦肉及龍蝦湯底一起加熱備用。

煙肉碎及葡式腸粒炒香，再加入洋蔥碎及蒜泥，再加入意大利米，用白酒deglaze，然後加入蘑菇片拌勻，加入熱湯煮至七成左右再加入龍蝦肉，煮好後加入芝士碎及忌廉拌勻。