20091214的晚餐

今晚去到街市都冇乜野好揀，只有啲膽固醇二號係度慢遊。

十両一條差不多啦。

好小心咁起到個墨囊出來。

冇野做就將條魷魚用五種切法去處理，魷魚鬚切段，厚的就開雙飛，隻翼就切斜花，魷魚筒上半切圈，下半就切直花，加多兩隻2L帶子片三片。

個意大利飯都係用洋蔥碎起鑊，加少許蒜泥炒香後加米，贊白酒，加雞湯（冇時間去煮個魚湯啦）慢火煮，飯粒夠身後加入墨汁，已用油、鹽及胡椒粉炒香的魷魚及帶子，再加少許忌廉拌勻，食前再加芝士粉拌勻。炒多碟菜芯又一餐啦。