20091206的晚餐

星期六行完山之後都筋疲力盡，本來計劃同老婆行啲輕鬆路段都唔得。朝早係土瓜灣街市都搵唔到啱食的食材，下午就走咗去旺角街市睇下有乜好野食。

見到條大龍脷，不過太貴買唔落手，係大埔買應該會平好多。

結果買咗隻斤七両的龍蝦。

蝦上半又係例牌分開處理，下半身跟兩條觸鬚就用來整煲仔飯，而啲飯就加咗瑤柱絲去煮。另外又清炒豆苗，今次試用洗沙律用的離心式去水器將洗淨後的豆苗去水，炒出來的豆苗冇再瀉水，夠晒乾身。

隻蝦頭開始有少少重皮，其餘啲肉頂晒殼，睇兩條觸鬚啲肉刺就知有幾足肉啦。