打球追月生日＠廸廸尼

好難得今年生日可以係星期日或假期，以往的生日好多時都係係平日，撞正假期的日子唔多，最特別都係讀year one時可以係生日後才開學，讀咁多年書都係第一次亦都係最後一次．．．

Happy Friday時已經諗咗好多地方去玩，不過發覺香港可以去盡慶的地方唔多．．．

行山又熱咗少少．．．

去山頂hea下又好似無聊咗啲．．．

去O 唇停車場．．．

今年六月又去過啦，雖然唔洗錢，但只係得架火車未坐過，其他嗶鬼活動又要另外比．．．

又諗過去參佛的，塗治下心靈都唔錯．．．

不過架玻璃車又好似貴咗啲啲．．．

其實我邊有咁神心呀

．

中秋返大埔做完節返到屋企都十點幾，訓幾個鐘六點又要起身去打球．．．

成個暑假都冇打過，打起來時都有點唔習慣，不過又要準備遲啲舉行的耆英雙打，都要早啲開始練返啦，唔係好快就會食蛋打完唯一的一場

．

八點半返到屋企，沖完涼又要出發。

坐咗架熱狗去南昌轉地龍入陰澳，再轉架老鼠車車入廸廸尼都係15.2．．．

仲要準時十點去到

玩到八點唔睇煙花就走啦。

返到屋企去咗活活食個簡單晚餐又一日啦。