2009Macau之旅-第二餐

吃完第一餐，飲飽食醉之後就慢慢行去酒店，呢間酒店都叫做新開，係大馬路尾。

酒店係舊碼頭區都算係高人一等。地面係賭場入口，上一層先至係酒店入口，有一點奇怪的就係去關閘的專車係係地面排隊，而去碼頭的就係一樓的大堂門口，好明顯冇預大陸客來住。

酒店各內港，平台頂有游泳池。

上房之後Hea咗一陣就去返福隆新街個頭行，驚唔再行返呢邊就去祥記買定樽蝦子先。轉咗上山，經過崗頂，再落返百利來睇下啲砵酒，不過就唔買住，明日臨走之前先買。行咗咁耐都仲係覺得好飽，於是就慢慢行咗出澳門塔。

再回頭行返去酒店。

都係懷念以往南灣河畔的夜景．．．

．

到酒店附近，開始覺得有點餓，就試下走去搵野食，印象中細龜係六記對面，而六記就係29號碼頭附近，16號去29號都係幾個街口啫。

沿大街北上，不久就見到對面細龜係街邊炒緊野食，於是就過去睇下佢點炒，先炒牛肉，再加入河粉，最後係芽菜及調味，香氣夠，其他的都比以往香港大牌檔的企理及衛生，咁就入咗舖入面食，唔去對面六記食啦。

叫多碗水蟹粥，屬生滾的一種，粥加咗鹹蛋，不過隻蟹就差咗少少。

食完就返酒店，沿途又轉咗入對面啲橫街睇下本地人的夜生活。有一點幾特別就係當地啲店舖好多時都用店主的名字來命名，最特別的是有一間叫肥婆ｘｘｘｘ的店舖，我估呢個名都冇乜可能係香港出現，一陣又話歧視，一陣又話弱細社群．．．點解係一水之隔的彼岸又可以咁自豪咁大大個招牌咁掛出來．．．成功之處係來自外表而唔係食力．．．

．

又係酒店Hea咗一陣，十一點幾肚子開始有少餓，於是又走返去福隆新街個邊搵吃。之前食完粥，唔食大三元啦，去返祥記食。入去見到成店都係人，唔係收舖前都係咁旺呀．．．

叫咗蝦子撈。

蜆介金沙鯪魚球。香港好難搵到有蜆介食啦，之前去過兩間都話師傅老啦，辛苦唔再做．．．

老婆的雲吞麵，不過可能今晚好多人，個湯加咗水．．．

食飽飽之後就完成第一日的三餐，夜宵都計埋。