十點鐘去到，太陽伯伯好猛烈，二話不說就直接入場．．．
國內的同胞都幾多，不比O 唇停泊場少．．．
排隊當然要唔好預佢地明白是一樣什麼東西，因為場地都冇標語叫佢地講文明
．．．
插隊、唔執輸呢啲野都係家常便飯．．．
不過又要講一句公道說話，入得去的其實好多都文明咗啦，只不過仲有好少部份係咁啫，始終廸廸尼都係番邦野，仲要係超英趕美的目標國產物，點都會收歛下的．．．如果唔係就天下大亂啦．．．個別例子就當遊玩時的點滴啦．．．
．
想睇相就會好失職，因為冇乜點拍照。
日間的大門口。
一入到去門口，購票當然要排隊啦，又冇人插隊喎
．．．
．
不過佢地係由出口行入去．．．
．
講文明的地方點會有人係出口唔比人入去的．．．幸好工作人員叫到佢地都會走去排返隊．．．
．
隻老鼠片臉都已經換咗南瓜。
入場後走去City Hall 攞返個生日牌仔，好似話係工作人員見到都會同你講生日快樂，又試下係唔係先
，不過我件衫係藍色，順便幫佢地驗下眼
．
有好多汽球呀
上一次來的時候係開幕前的試玩，當時的遊戲都已經玩過一次有多啦，今次入來就玩下啲新野。第一站係馳車天地，上次都見到有介紹，係試玩時未開放咁解啫。入去排隊個陣，終於有第一個工作人員跟我講生日快樂啦
。
排咗半個鐘，玩咗一轉，架車得油門一個，放就停，踏就會有音樂出，個轉向都唔係有乜作用，轉彎時有Guide Rail 控制著，係直路時可以左右郁下。
全程有拍Video的，不過唔會Upload上來
。
．
第二站係睇米奇幻想曲，天氣熱，入去涼一陣。開始見到啲小惡壩啦，戲院的大門是向外開的，要留返開門位，當然會有大量空位啦。啲小惡壩就轉咗上來玩，到入場前工作人員請返佢地企回黃線後，佢望住我想我移後比佢（當然唔會咁有禮貌啦，小朋友想推開我仲要食多幾年飯），呢個世界邊有免費午餐的，最後無奈咁返去父母身邊。
一開閘，數隻小動物狂奔入去，之後就唔知要坐邊，咪又係要啲大人話比佢聽坐邊。間戲院都係坐咗四份三，當然邊位冇咁好睇啦。對呢類樓底高的戲院好懷念，睇戲應該要係呢類戲院睇先至係享受，現在啲迷你就．．．返屋企睇好過．．．
．
睇完出來就去對面．
第三站係灰姑娘旋轉木馬，老婆必玩遊戲。無咗荔園之後都冇地方玩旋轉木馬啦，今次又可以轉幾圈。
．
第四站係玩驚心動魄太空山，因為去幻想世界之前攞咗個快證，返來剛剛好。係快證入口令我想起走難的片段．．．
攞快證係要啱時段先可以入去，但係我地啲同胞就會早到係門口等入去，仲差成十分鐘咪轉個圈先返來啦，點知佢地圍住個門口．．．重有啲以為攞住入場門票就可以入，最後當然要上演一幕跌撻泥阿積上船的一小段．．．
今次過山車的路程比上次來的黑（可能係預演開得光一點），由於坐係車尾關係，驚嚇度比車頭的小，都係左轉右轉，呢啲對我冇乜難度，我係最怕坐飛機遇氣流個種離椅的急墮．．．萬聖節關係，車程中背景都轉咗啲相關投象。
．
待續．．．
沒有留言:
張貼留言