Check Out咗之後，係大馬路搭車去路環。
落車先去買個葡撻食下先。
再行多兩步入去聖芳濟各堂前地。
轉個圈係小巷行返出去搭車過氹仔。
係晃記做完每次的指定動作－買咗幾條肉切酥之後，(不過今次冇芝麻餅賣)，又去咗山度士食晏。
過來咁多次，唔知點解二次之中總有一次會來這裡食。
味道唔係真係最好食，但係總言知過開氹仔食飯一定會來食啦。
午餐當然又係要飲酒啦，今次飲返枝青酒，酒精比較低，下午飲用最適合。
豬耳。
炒蜆，啲蜆好新鮮及肥美。
薯絲馬介休，今次味道淡咗啲。
．
食完後就行過去新酒店群。
呢群酒店睇住佢填地同起樓，但係未開幕就已經冇再過來啦。
所以感覺好新鮮．．．
雖然話跟足威尼斯的風格去建造，但係老番始終係老番，似戲棚多啲。
如果比我設計，一定要行完條嘆息橋先可以入賭場
入去見到佢將羅馬比較有的特色建築搬咗過來。
縮水萬神殿的頂部。
縮水的梵蒂岡教堂的長廊，不過派頭仲差好遠好遠。
係大堂行返出來，原因係見唔到有指示去運河購物區的入口，行行下又出咗來。
最後係四季個邊入咗去。
虛幻的威尼斯運河，連個天都係假的，入咗去真係唔知幾點。
隻貢多拉就比真正的新好多，不過船底有推進器的．．．
本來想係入面買杯野飲，去老麥見到一杯汽水要十八元，一個餐要四十五元．．．
商場好大，又係一個環形的設計，每個主要的出口都係通往賭場，最後要由側門先至可以去返酒店大堂，去到先知原來先前經過咗個路口都唔知．．．
過咗對面行一圈。
太多大陸人潮，唔行啦．．．
過返官也街行多陣就返市區。
沒有留言:
張貼留言