上回講到玩完唔太驚嚇的過山車，出來之後想去搵史廸仔的，不過時間未夠，就走過對面打機。
第五站係巴斯光年星際歷險，排隊的人不多。上次玩個陣比老婆最尾過咗頭，升呢去到第六級，今次就要去報仇啦
，結果當然成功啦
。
．
第六站係幸會史廸仔。打完機之後，見廣東話係一點開始，仲有半個鐘唔夠，出面太陽伯伯好猛烈，都係時候去啲陰啲地方休息下。完來呢場係互動秀，係一個大屏幕前，動畫入面的史廸仔會跟觀眾有對話，都幾特別。
．
第七站係小小世界。知蔭人當然係入去有瓦遮頭的地方，排一陣隊就有艇坐啦。
拍咗大部份，睇住少少啦。
．
第八站係午飯時間。玩完都餓啦，搵野吃。
．
第九站係大街詭異酒店。三間鬼屋都係一點先開始，揀呢間先係宇宙深寒有好多人排緊隊，要成四十五分鐘先入得，於是就行返轉頭睇下另外兩間邊間少人啲。排隊時加插數分鐘的迪士尼奇妙音樂日巡遊表演。三間入屋時都係一行數人咁入去的，係未入去之前例牌見到有啲大６人攝下攝下咁上咗去
．．．
最特別係有一對父子，穿穿插插咁上咗好前，但係佢地兩個入咗唔夠一陣就由前門行返出來
．．．
一行約十人我倆又差不多係隊尾，都係例牌動作係啲暗位走出來，係啲開口位突然打開申個頭出來，再唔係就係忽然係啲死人／物件彈起來咁上下，最好玩都係由隊尾走返出來嚇人，次次都比我知道，然後同佢say HI
。不過轉咗唔夠兩個彎，後面位大陸來的女士就跟我老婆玩火車，佢真係怕得要死，一路搵我老婆做車頭，一路說不好意思，個頭就向地下望．．．
出來時我叫佢"再來一次好嗎"，她只說不好，之後抬起頭來真係見到佢面冇血色，塊臉白過張紙，原來係真驚的
整體都幾好，好有心機去佈置，最特別有隻鬼出來嚇我時我同佢say HI，佢就跟我講生日快樂，呢個真係最專業
．
第十站係迪士尼巡遊表演。本來冇諗過可以睇到，但係詭異酒店出來時剛好三點半，見有個太陽位就企住等開秀啦。基本上跟上次來的一樣，係有啲花車有點舊，特別係隻吹氣老鼠，令我想起結業時的荔園．．．
．
第十一站係森魔詭域。巡遊散場，過唔到對面入明日世界，於是掉頭去呢間先。
排隊時有啲唔開心野，不過唔講啦．．．繼續入去開心嚇餐飽
內容主要係叢林入面有啲怪異物體走出來，今次走最後，前面啲人真係嚇到彈起，而我又繼續嚇係後面走來嚇我的鬼，不過有兩隻隱藏得好似四周的景物，到佢移動個刻先見到佢。
連嚇兩場，係時候四維行下拍下照。
．
第十二站係宇宙深寒。拍咗一陣照之後就走返去第三間鬼屋，主題係外星人。
排隊時又有大６人做貼身膏藥想係我身邊鑽上前，我都係唔理佢，妳有本事就過啦．．．
排隊中途見到出口位，出來的人個個都好驚嚇的樣子，連外國人都係好開心個種，最特別都係啲大６小霸王腳軟軟咁比大人拖住出來，唔通入面真係咁堅
。
一入去有幾件太空衣，仲以為有件係有料的，不過唔係．．．
啲怪物造型都係跟戲的好相似．．．咁核突．．．
今次行中間少少，佢地咁鍾意行先就比啲大６小朋友見識下啦，又係行唔夠兩圈開始出事，個小朋友腳軟到爬咗係地下，大人點拉都唔肯起身，我當然係慢慢跟住佢地行啦，大人半拖半拉咁急腳向前走，點知佢地一轉彎就全部一齊尖叫，之後就打倒行返過來，直到撞到我倆先停低．．．再行多陣佢地成班驚到坐咗係地下，轉轉折折終於見到出口，個小朋友一枝箭咁沖咗出去．．．
唔通佢地未睇過Alien呢類片
，不過又好似神怪片上面唔播得．．．
一物治一物，終於搵到樣晒可以治到呢批霸王啦
呢個旅程真係好玩，冇乜幾何睇恐怖片可以係現場入面睇到同感受到啲演員可以聲嘶力竭、真情流露、絕冇浮誇、完全由外至內，再由內至外咁去演繹出一啲人類受驚嚇的反應
．
待續
沒有留言:
張貼留言