20091026@花山遊（一）

今個重九真係充實，日日都有節目，放假仲辛苦過平日．．．

第一日整完包包就入咗TKO．．．

第二日就去咗行北潭涌行條短啲的行山徑．．．

第三日就朝早打完兩個鐘頭網球，以往的觸覺係有返啲，不過體能仲未跟得上。返屋企沖個涼又再出發．．．

本來冇打算行得咁密山的，不過想盡快加操體能去應付個耆英比賽，於是就答應梁指導去行山拍照，因為冇一啲有行山經驗的人會同佢一路慢慢行一路拍的．．．

十點半係鑽石山出發，人龍依然係咁多人，要第二班車先上到．．．

十二點十分就係白腊營地起步．．．

又係路不通行即係有路行，行前少少轉右就可以接上上次行去白腊的小路。

跟上次出木棉洞的路線一樣，先從營地旁的小路下山。

到山徑最低點的過小溪後轉左沿小徑直出白腊仔．．．

路徑都算明顯。

經過的密林。

落到白腊仔啦，路口只要小心點就搵到。

先係白腊仔影一陣先。白腊仔係一個石灘，如果仔仔來到的話就好唔得閒啦

昨天行完山宣告自己修補鞋底的技術係唔夠的，結果係要即刻出去旺角買，啱啱見到Lafuma啲鞋有六折，二話不說就買返對半筒的來穿。Lafuma啲鞋有個特點就係輕，呢對鞋比上一對冇筒的仲要輕，鞋底當然係要揀Vibram出品，壽命會長一點。

新鞋落地．．．買咗十多年行山鞋的經驗話我知，一對行山鞋的壽命最多都係五年，常用的話當然會快多一點，就算鞋底冇乜損耗都會自動甩出來，所以係呢個灘見到好多甩底人。新鞋啲物料仲係比較硬，不過行完之後就已經軟晒，Run-in完成。

灘邊的石牆有好多水氹。

拍咗一陣就再次出發，先攀上一面小石牆，再沿碎石路上山．．．

中間綠色的樹林就係之前由營地下來的小路。

如果唔灰就好靚啦。

呢個水溝(月牙溝)一陣就會落去。

（待續）