20090905@乒乒開大餐

成個月冇去搵乒乒玩，今日準備咗特別禮物比佢。

夏天都係食冷麵好，不過有人就成日食．．．

中華冷麵，八人前，六人吃。

配日本酸梅茸弄成的麵汁，加上青瓜絲、蛋絲及火腿絲。

蒜泥豆豉蒸蟶子，用金蒜，加上用砂糖、味醂調好味的豆豉醬及用豉油及麻油略醃過的粉絲蒸。

檸檬羅勒炒蜆，係厚德街市的印尼店舖買到Lemon Basil，都係第一次買到，味道都幾好食。

先爆香蒜泥及辣椒，然後加入蜆炒，拌勻後加入少許上湯焗至開口即刻盛起，因為蜆汁比較鹹，所以只用約三份一去煮個汁。煮熱用豉油、醋、糖及酒開好的芡汁，將蜆回鑊後加入檸檬羅勒略炒。

炸豆腐及蕃薯。用天婦羅漿做脆漿，街市買的硬豆腐略壓去水份後上漿炸。

街市買的硬豆腐唔係咁好食，下次要搵過啲其他豆種再試過。

美極煎海中蝦。煮到後期先記得有蝦要煮，但係連頭去煎的蝦係要好花時間先可以煎得好．．．

今次乒乒的夜宵有牛柳粒+鵝肝，因為肥肥早幾日咬C小姐，所以肥肥一粒都冇得食