20081215晚餐@尖沙咀北京樓

今晚出咗街同阪本小姐食晚飯，本來去食陸名春的，因為兩日都訂唔到位就轉戰北京樓，點解會揀呢度，咪因為下面來書囉，呢本書係日本好有地位的，所以好多同鄉都會跟住去玩、去食同去買。

指定動作一，宮爆明蝦。有四種辣椒煮的，紅青尖椒冇食過，細的圓就唔辣，長的就好辣，我唔係好識分個兩隻係乜乾辣椒，只知外省菜好常用。汁就好好味，蝦夠大隻但新鮮度唔夠，收得咁嘅錢比啲好少少都得呱。

指定動作二，北京填鴨。都唔知幾耐冇食過啦，三個人食一隻鴨，都食得晒喎。冇咗鮮鴨食依家的烤鴨都唔好食啦。

我加的ｘｘ雙冬。唔知點解佢要用蠔油來煮，都係自己整好食啲。

最後喉嚨想食啲熱野就叫咗個合桃露。

遊客區食野係咁上下啦．．．