今個星期收到第一張水費單,即時比佢嚇親,要成302蚊
人都未搬入去,69日用47立方米水,即係一日用681升水,約裝滿4個多普通浴缸咁上下啦,唔通啲師傅日日係度玩水
之後睇返個今期度數,原來係估出來的,即係有個E字係尾,但係都冇理由估咁多的,再睇原來有個附註的,話水錶出現負讀數,所以要用xxx的計法去估出來,如果有異議的話,就要聯絡佢地。
之後當然係打上去搵人算帳啦,我以往都係用開100蚊左右,有乜理由冇人住都要收咁貴,仲有裝修個陣我差唔多日日上去,通常都係用一兩桶水一日左右,最大問題係負讀數...
唔洗一日佢地就回覆話過兩日會寄過一張零帳單過來...
唔睇張單唔發覺,啲水費係漸增的,首12(6.807按日子比例)立方米就唔洗比,之後的31(17.585按日子比例)立方米每立方米要$4.16,跟住的19(10.777按日子比例)立方米每立方米要$6.45,往後的(62立方米之後)每立方米要$9.05...
至於排污費就每立方米食水收$1.31。即係話開水喉開得多就當你地
大家以後都要慳啲用水啦。
我交過2次都係 $11x
回覆刪除我今期交$14.6
回覆刪除[版主回覆12/12/2008 05:42:00]我今期係零呀
我暑假交三千幾蚊水費 ............. 我老公就唔比我再開水池啦!
回覆刪除[版主回覆12/12/2008 05:46:00]水費係漸進式的,超過62立方米就要$9.05一立方米啦.
其實好唔公平 ! 應該要計人頭呀 MA ! 一個人又係一個水錶 , 10 個人都係 ! 人多咪唔抵 LAW !
回覆刪除[版主回覆12/12/2008 16:54:00]係呀,一戶的定義真係對人多的家庭唔公平.不過計人頭又好難計的...
I MEAN 一家有 5 個人 , 除 5 個人既平均用量 , 唔係一人一張單 !
回覆刪除[版主回覆12/12/2008 21:59:00]我明妳意思
不過要平均的話好難計,最好就係唔好用漸增式計法(原意係叫人用少啲水),改用線性增加計法,用幾多就比幾多會合理啲.
(Empty)
回覆刪除