20081208的晚餐

今晚好忙，又收集返一粒龍珠，個雪櫃開始有返啲調味料。

老婆想食魚湯飯，去咗街市買咗條生魚，佢話係野生的，食落真係冇養個啲咁肥同鯹，不過比養的貴好多。另外仲買咗條二斤重的白鱲，起咗肉之後一邊用西京醬料醃，另一邊就明天煎來吃。所有魚骨用來煲魚湯，煲好後隔渣，再返滾後加入白飯、生魚片、芫茜及蔥花。另外再炒多次蒜泥魚露豆苗，今次好好多啦，啲豆苗冇出水。小吃就係西班牙黑毛豬肉腸數片。

另外今晚煲返啲湯底，明早就可以製造湯粒啦。