20081201@裝修後的第二天

今早又拉咗一車野出新屋，清咗之前係Le Creuset買的煲，間屋多咗啲地方執拾細軟。臨走前用濾水器的水煲了一煲水，今晚凍了之後就有水飲。

今晚又去過攪衛生，基本上除了廁所外其他地方都已經抹了一遍。消毒櫃試裝了一次，明天搵多兩片木板就可以裝上櫃啦。廁所的毛巾架及廁紙架都已經上好，多謝石師兄的技術支援，因為啲磚好硬，正常鑽法係鑽唔入的，用大鑽咀開普通鑽開一個countersink再用小鑽咀用慢速震鑽，之後再用大鑽咀開普通鑽就完成啦。

後記：用濾水器過濾的水係冇味道的，跟飲蒸餾水一樣少了那些鐵鏽及雜質的味道。