20081109BBQ@大尾篤

昨晚身痕，超額完成工作之後就四維問人有乜玩，結果想行山又冇人陪，去人屋企倒亂又唔得，見有啲秋意不如去燒野食啦。夜過頭買唔到食物醃，於是今早八點幾就走咗去街市買野。

一行六人準備咗：雞全翼及豬扒。

羊扒。

網燒美國西冷及蘆筍。由於時間關係，蘆筍冇拖水先，攪到有啲燒唔熟。

紅黃及椒菠蘿。

麵包。

雜丸。

時間緊迫，醃唔夠時間，肉類的味道差咗少少。

蝦去鬚及腳開背釀入牛油加檸檬皮（由於行勻成個大埔都搵唔到蕃茜，所以冇落）。

點少少自行調製的辣椒豉油就非常好味，當然仲要加杯紅酒去除啲油膩啦。

帶子就用金蒜加牛油、鹽及黑椒碎去燒。

最後食的生果，仲有茄子冇食到。