今日行程緊密，一早又上咗深圳，先去寶安北路睇下有乜賣，寶安北路係好多香港人去購買傢俱的地方。
寶安北路賣的主要係傢俱，其他的如建材都係得一個場賣，款式都唔夠田貝多。個個場都好大，有平有貴，產品質量比香港的好好多倍。
行到尾有間B&Q，不過入面啲貨品比香港的B&Q還要貴。
係寶安北路附近食咗湘菜的粉類，之後就行咗去田貝四路啦。其實我都係之前用衛星圖睇過附近的環境，分清楚東南西北之後就沿橋一直向東出發，過完橋就到田貝啦。
忽然發覺有個新場，不過入面都係冇乜野睇。
係田貝四路的燈篩場揀咗幾盞燈，星期三會送到。
之後就回港啦，返到來發現有幾個留言，原來係牆紙公司打來話啲牆紙到咗，見有時間就即刻出觀塘攞去土瓜灣啦。
去到見兩個油漆師傅係度批灰，一人批一間房。
批咗一層灰，仲未乾。
廳就補晒啲孔，等星期一再批第一層。
廁所啲燈原本係用呢種燈，唔怪得啲色溫咁怪啦。
最後揀咗呢隻天花線，由於要裝分體機，太厚的話部室內機會好低。
記錄完畢。
沒有留言:
張貼留言