昨晚上去試燈，睇下用乜色溫啲燈膽先配啲牆紙。試完燈都成十點幾，返到屋企都成十二點。有一盞燈入面啲位唔啱裝大慳電膽，明天一早帶幾枝鑽咀出去改位啦。另外仲要買多四個燈膽及一枝光管先夠，真係買燈膽都買窮人。
燈飾其實幾浪費電力的，一個燈飾要成九盞燈，我已經用到廿瓦的特光慳電膽(Efficacy 65lm/W)，不過出來的光度都係弱咗好多。不過都要裝好之後睇下個效果點，可能會裝好之後會過光的。
第二朝一早又出返去收電器，十一點前送晒來。
另外買電器送咗一套刀具。
幾齊的，乜都有。
之後去咗九龍灣宜家買咗兩盞燈，終於買晒成屋的燈啦。之後收到電話話點半來裝機，咁就坐曼快的一部車返去啦。
裝好之後都好大部。
最短的抽油煙機喉。
下午裝完機之後就出旺角買埋啲鏡箱同配件，買到天黑終於買完啦。
記錄完畢。
你個抽油煙機好得意喎
回覆刪除請問行幾多把風扇, 有冇自動清洗功能...
可唔可以抄個型號來研究下呢. 謝謝師兄!
[版主回覆11/24/2008 22:12:00]係好高身好大部 750 X 650 X 270 (WDH)，普通的只有150高，仲有裝係廚櫃底的話，廚櫃的深度要有400mm以上先可以裝，因為條出氣口最外的部份離牆有13吋，而一般廚櫃都係14吋（由牆到櫃門）。
一把豬籠扇，冇清潔功能，不過有兩個網係塊平面板後，仲有個豬籠可以好容易咁拆落離洗。
Fujioh 270MV