20081101Lunch@楊記麵家

今個下午去開灣仔，下午茶時間去咗楊記麵家食，佢係沾仔記的太子爺開的，主打係撈麵。叫咗兩個撈麵，黑柏葉蝦子撈麵。黑柏葉過咗少少火，個湯夠味，應該係大火滾，所以啲湯唔夠清。

鵝腸蝦子撈麵。鵝腸好爽，period。

兩碟蝦子都好多，但係可以整香啲會更好，個麵都幾好食，冇梘水味。

唔夠喉，叫多一碟魚香土魷撈麵。魚香就係用炸過啲大地魚，味道唔錯，但係仲有油味係度，肯換油會更好。

另外叫咗杯豆漿及銀菊飲，因為其他都係汽水同檸檬茶，如果有部冷水機會更好。