95歲杜葉錫恩出新書

【明報專訊】香港政界冇人唔識得杜葉錫恩呢位老前輩，呢位前市政局、前立法局議員啱啱喺6月過咗95歲生日，噚日仲出咗本新書，將佢喺《明報》嘅英文專欄結集成書，名叫《Lessons in life》。如此高齡出書，唔知有冇人幫佢申請健力士世界紀錄呢？

左耳聽不到 頭腦很清醒

Elsie（杜太的名字）話，而家自己健康有啲問題，患白內障，左耳已經聽唔到嘢，不過頭腦仍然好清醒，由2006年開始一直為《明報》撰寫英文專欄，教年輕人學好英文。呢本書嘅內容亦可以喺www.elsietu.org免費下載。佢又講到政治問題，話特首曾蔭權喺外傭稅同生果金一役太快落決定，雖然動機良好，但冇諗清楚後果。佢又讚煲呔唔會貪污，係值得信任嘅特首，叫市民唔好好似英國人咁，英國球隊輸波就賴政府。