是日一早返上深圳，原因係送來的燈四盞有二盞係錯的，細的就係display的編號貼錯咗，大的就係號碼個尾唔啱，即係出倉時拿錯貨。
前一天將已經將細的拿回來，昨天再係土瓜灣將件大的拿回大埔，件大的有十分一立方米，揀咗冇乜人的時段上巴士，順順利利將佢搬返大埔。
今早食完早餐，十點就出發上深圳，過關時關員都要問吓係乜來的，好彩佢都係問完就算，唔係就麻煩啦。
上到去換完燈，都冇心情同間舖玩，樣樣點齊之後就走啦。好彩新個盞個箱的大小都係一樣，於是又沿相同路線回航，係上水出咗閘一分鐘，再乘下一班落馬洲開的車直出紅磡，好幸運地有位座，唔係又要企四十分鐘啦．．．
上到新居，星期天當然冇師傅係度啦，房的牆身比我昨天下午走時黏多了一面牆身。
下面兩張相就係睡房完成圖。
玩咗陣都係一點半左右，食完午飯後就出咗旺角買門鎖，揀定咗個浴室鏡盒，不過唔買住，等裝好洗手盤之後再睇下要幾高身至合適。
記錄完畢。
沒有留言:
張貼留言