酷熱天氣@木棉洞

昨天梁指導一早打電話來問今天去唔去木棉洞，諗咗一陣都唔知佢講緊邊度，原來係白腊出面個海蝕洞．．．跟住就醒起星期六日都係酷熱天氣．．．搵啲咁野玩要Call定直昇機先得，因為係跟行山隊一齊行，大部份人都係一年行足五十二星期，又要拍照又要跟上佢地的腳步要諗諗計先得。

九點左右去到北潭涌，見人未齊就先行入去東霸拍住先。

入到去天氣跟上次來時差不多，但感覺就好悶熱。

入來途中見好大煙霞，但落車後又好似清返少許。

都唔知乜野時候映個破邊洲最好．．．

行咗十層樓落霸底。

去右邊個官門遺洞。

感覺比上次仲好，係熱少少啫。

映到咁上下，見大隊行到壩尾，就沿塘邊行過去跟佢地會合。

好多人都喜歡咁樣拍的．．．

之後大隊決定唔上花山，就由我地來的那一條路走回東壩頂．．．

呢個時候天色又再好啲．．．

由此樓梯行返上去．．．呢個時候行真係好辛苦，因為啲石曬熱咗，上去時好似面對個焗爐咁．．．

分咗兩次上，第一次上一半，休息一分鐘再上一段，一分鐘後再上多一段，見最後一段唔係咁長就一次過上埋佢．．．上到頂好彩有少許風，又有返心情拍照。

太陽高啲，水底啲顏色都出返來。

之後去咗紀念碑休息，係樹底下都唔覺有風吹，越坐越熱，最後唔等大隊，去下個岔路口等．．．

係白腊營地口搵到棵有風的樹底休息，等咗陣大隊來到，就一齊由營地旁落白腊村。

上次經過的白腊旁的海灣。

呢條係一條荒廢咗的石屎路．．．

係白腊村內的士多大休。個個都入晒去屋前的鋅鐵皮底坐．．．而我就出返去路邊的大樹底，原因係有一棵全開的白蘭樹係度，一陣陣花香吹埋來真係好舒服

大休之後就要出發去木棉洞啦，因為今日的大退係十二點至一時左右。休息得太耐，唔係好願行。上到山腰聽到人聲嘈雜，比旺角更吵嚷．．．

初段路程冇乜風．．．

上咗山脊就有海風吹．．．

呢邊的六角柱群唔夠上次那邊的宏偉．．．似碎石多啲．．．

唔知點解今日個海岸有一條白色的泡沫．．．

好多快艇．．．

終於來到木棉洞頂。

東邊太筆直，落唔到去，要由西邊走．．．

冇乜位拍照．．．

出面好大浪．．．

呢個時候開始水漲，潮水由西邊的洞口進入。

山洞入面好涼爽，入咗去都唔願走返出來。

返回白腊村再次大休，之後就上返車道坐的士走。

今天真係唔適宜行山，回程時見到有幾架消防車入去東壩，有一架仲係由馬鞍山來的，希望係浪茄中暑個位小姐冇事啦。