20090802的晚餐@仁沙洞

行完山，其實又唔係好攰，不過就比籍口去下間新開的韓國食品店試下啦，唔係等陣結咗業都未食過就．．．呢個唔係黑心問題，係呢區開的茶餐廳以外食店冇乜邊間做得長。

自助形式，老闆係韓國人，感覺就好韓國平民食肆個種。去食韓國野試幾味就知間店舖的水準去到邊。第一樣就係食佢個燜牛助條，第二樣就係泡菜。

老婆話熱過頭，唔想食熱野，叫咗個辣什錦冷麵食。一麵、一湯及一碟泡菜。

我就叫咗個牛肋條。

整間食肆的食味都係偏甜，泡菜及牛肋條的湯都係，牛肉的質素唔係靚個種，質地問題，煮法都算可以。

以呢個價錢應該可以食得更好的，如果唔改善前景都唔係好樂觀。