驗樓

昨晚去咗"驗樓"，其實係上去好快咁度一度呎及望一下間屋的狀況，因為上一次睇個陣個業主仲係住緊係度，基本上都係好企理，現在冇晒啲傢俱雜物就睇得清楚一點。

好失望有一個位放唔入部雙門雪櫃，要將佢放返係廳處。

上手業主話啲電線拉過，不過個電箱仲係三十年前個種，即係冇水氣掣。問題又唔係咁大，反正個廚房都要走過晒啲線，換埋個掣箱都冇乜問題。不過收完樓之後要再檢查清楚啲電線係行燈水喉定其他啦。

在坐巴士回家途中已經諗到個廚房大致點整，因為洗衣機要放廚櫃底，所以要買過部新的。

返到屋企用CAD畫返個平面圖出來，因為量度個陣以地腳線為準，所以間屋會細咗啲，但係用十五分鐘度呎急過頭，基本上個樣都差唔多，係量少咗一個長度去複實其他呎吋，不過唔係最重要個一個。