20080921的午餐@泰國人海南雞

今日去咗旺角睇建材，發覺啲價錢跟灣仔的差不多，有啲仲貴過灣仔。

本來去北帝街食越南野的，但係冇位，要係門口等，有位侍應話有人埋緊單，咁咪等吓囉，點知成五分鐘都冇人出來，仲枱枱都有餸上，企企下兩個都出晒汗，於是就過咗隔離食雞。

呢間之前食過一次，唔係有乜過人之處，冇得揀的話都冇所謂。

入到去都係食雞啦。

老婆就叫咗碗冬陰公河粉。

之後就返咗新居拆啲有用野走，咁又玩咗大半日啦。返到屋企見到爹娘返咗來，幸福的日子又開始啦。

今晚終於去咗街市買咗條筍殼魚食，開邊蒸非常滑，好似兒時食個啲一樣。