20080920的午餐

是日又係出外睇建材的時間，去咗觀塘睇咗啲牆紙，揀咗三款，如果舖的話就係呢三隻入面選擇。

跟住落咗灣仔睇，睇啱咗星盤及龍頭，仲有見到隻地磚都OK。三點幾就走咗去定食 Doraya食晏，都有一段時間冇來食啦，入去當然係食吞拿魚啦，我叫了一個泡菜吞拿魚定食。

加咗泡菜有少少辣味係夏天食就非常開胃，食時再加少少吞拿魚豉油就夠晒味啦。呢間舖有一個特點就係啲飯用新潟出的月之光來煮，當然係比其他local食肆用的珍珠米好很多啦。啲厚燒玉子係煮得比較實的一種，定食屋都算係咁啦，真係要食的話當然係自己慢慢卷慢慢煎好食好多啦。

老婆就叫咗個漁夫拿魚定食。

食飽都四點幾，唔過旺角啦，走咗去smeg個showroom行一轉，去見識下啲中高檔次野，說穿咗就係去涼冷氣多啲啦。跟住又去咗太平洋個showroom睇下啲電器，吹咗陣水之後就回家啦．．．