20080910的晚餐@老好清香

好耐冇返土瓜灣啦，今晚去咗食福建食物，以前係附近住時都會間中光顧的。不過原來店舖已經轉咗手，但都係福建人做返。

五香卷。

蒜茸炒蟶子。叫咗少辣，仲欠少少鑊氣啦。

蠔煎。唔係唔好食，係以前的好食啫。個辣醬仲係好好味。

蔥油撈米線。蔥油及蝦皮係下面，乾蔥及青蔥粒舖面。不過醬油配料份量唔係好夠。

肉片炒菜芯。本來叫清炒，肉片係送的。

芋盒&芋棗。圓的是芋盒，用鹹的韭菜做餡加上炸得香脆的甜外層。長的是芋棗，甜的。

炒米線。食完濃味的菜色後相對淡了一點，炒得唔錯，唔會太乾或太濕。

加多兩枝啤酒，四個人食都係一百八十幾蚊。