昨晚魔鬼C君
最上三把係生肉用的,木架上的就係熟食用.最上一把係砍骨刀,之前買咗一把本地,結果都係唔掂;第二把同最底一把小刀係用來切細件食材同生果,不過用來剝皮時有點驚,刀刃都仲係長咗啲;第三把係西廚刀,最常用的一把,刀刃長九吋,前薄後厚,唔係切好細件的食材都唔使換刀;第四把刀最特別,當年係西班牙買咗成隻豬腿之後路經德國法蘭克福,就買咗呢把起肉刀返來起隻豬腿,本來都唔知呢把刀係點用,但係見西班牙當地賣豬腿的大部份都係用呢種刀起火腿,咁就買咗返來,當年歐羅仲平,換算為港幣都係400左右,呢把刀最特別之處係刀刃好軟,十足武俠小說入邊啲神兵利器,要切啲轉彎位非常有用;跟住個把就係8吋西廚刀及麵包刀;木架中間個把係片肉刀,燒大舊肉時用佢片薄片上菜;最唔知點用的一把刀就係尾二把鋸齒刀,話用來切蕃茄類嘅食物,但係我把廚刀都夠利,好少用,最常用都係切蛋糕仔.唔係孖人的仲有一把日本大魚刀,唔係魚生刀,不過都好少用啦.剝皮刀都係可買可唔買,切咗幾年都係咁用把小刀啦.本人名下仲有兩把刀,不過攞咗返office用來切生果.
全線轉晒用孖人刀之後切食材都要好尊心,之前用其他刀時成日"戒賭"
你洗唔洗係到哂刀??? 不過你用刀知識一定好過d sales, 有次我去到孖人問嘢, 個sales都唔知答咩. 我想要多支西廚刀, 分開切熟嘢和生嘢.
回覆刪除您好pro喎，成套刀續一介紹，我以為自己睇緊電視shopping channel添 ，啲主持人都好似您咁，一一長盡介紹，解釋每種用途
回覆刪除係等妳唔好再 毒 我買刀啫(刀係我自己比錢買的,煲就老婆買).初頭以為duplicate咗把小菜刀,但係要分開生熟食物就剛剛好.我都係識用個啲先買,除咗把細鋸齒刀有點多餘之外,因為一SET買仲平過買四把特價,仲有係五星膠柄唔再返(當年係咁講),全力推全鋼個隻,但係我唔鐘意,有時會好危險,唔用眼睇隻手分唔出刀身同刀柄個位,所以係最後階段買咗呢SET返來.佢啲sales有好有唔好,係市區大百貨個啲都OK,不過去到啲古怪用途刀佢都答唔到我,其他就免問啦,只係識同啲師奶講好抵買,同埋單人同孖人一樣 .西廚刀9吋好用過8吋刀刃,9吋個刀尖薄身啲軟身啲,做幼細野時好好用唔使換刀,近刀柄個位同骨刀一樣厚,切硬身啲食材唔驚唔夠力,不過我老婆兩把都唔夠膽用,佢話刀刃太長睇唔晒成把刀,好危險.
回覆刪除姬絲:妳係下一個板面輸入信用卡資料,等幾個工作天就會送到府上 .呢啲咪係讀Science同讀壞書嘅後果囉 ,之前用開三把日本刀都已經好好用,但係都係欠咗啲野咁,用完佢之後終於明白點解佢有本事買咁貴囉,成把刀個重心同鋼水好多日本刀都比唔上.
回覆刪除嘩 ............ 晒刀呀????
回覆刪除Kelly媽:晒刀,唔好講笑啦,呢啲中價貨係用的,要晒就唔係呢個grade啦.
回覆刪除你好厲害呀,老實講,其實你係咪一個廚師黎架
回覆刪除老婆的廚師
回覆刪除你老婆好幸福呀,有個咁多才多藝既私家廚師
回覆刪除你好, 請問你的西班牙火腿刀還在嗎? 我們也剛買了一隻回來, 不知如何是好.
回覆刪除[版主回覆07/31/2013 21:56:24]甭客氣~~
[pinocchiotse回覆07/31/2013 16:44:11]非常感謝你的土炮方式, 我們已成功地把那火腿吃了 :)
[版主回覆07/25/2013 20:06:47]當年唔係好興成隻腿自己切,只係澳門見過有架賣...近來多了很多地方有得賣...我用土炮方式,因當年家中仲有無背木櫈,反轉之後用水喉碼將火腿固定在其中一隻櫈腳上,都算幾穩陣的...
[pinocchiotse回覆07/25/2013 15:59:21]如果無, 你又係點片架? 求教, 謝謝.
[pinocchiotse回覆07/25/2013 15:52:36]咁你當年有無買埋個架返黎呀?
[版主回覆07/25/2013 15:49:17]你要有個架固定隻火腿先可以片,其實只要唔係菜刀,窄身一點的刀一樣可以片..