寫完就去街市買餸,都成四點幾,七點半要食,即係得返兩個半鐘煮,返到屋企先知我冇合適工具去蒸雞,於是一改再改變咗做鹽水雞,不過都係唔夠時間去做,好在隻雞夠味
第二味係砵酒蠔,日本蠔係雪櫃啲存貨,鮮味就一流,不過好易爆,屋企可以用來煮餸啲砵酒已經用清,要去超市再入貨,不過樓下兩間都冇,要去吉X島買枝貴嘅返來
燒肉係之前係某個blog睇返來的,主要係用粗鹽去抽出皮下的油脂,再烤脆個皮,同我之前用Gary Rhode個recipe有少少唔同,呢個recipe個肉啲醃料唔夠味,下次要用返自己條form先得.
個皮出來非常正,可能係我拍針唔夠平均,因為只用兩枝牙籤,唔係用專用針插,下之要去大佬到借返來用先得
呢條係素雞卷未切個版本,老婆包的
金蒜陳皮冬菜粉絲蒸超大貴妃蚌.
再加少少上等韓國麻油同豉油就非常美味啦.
甜品係百利酒芝士蛋糕,係一系列失敗之後,個結果係甜咗啲,因為加咗油唔記得減返啲糖.
home made 燒肉!!!
回覆刪除勁! 兩個人食既晚餐實在好豐富，好羡慕呀
回覆刪除咁好餸仲好過去酒樓食啦 但係兩個人食會吾會豐富咗 d 呢 ?
回覆刪除煮餸之前要寫菜單 真係好講夠喎,都話你係廚師黎架啦
回覆刪除Creamy媽:燒肉好耐冇整啦,都有四五年啦 . 姬絲,Clara & Lolo:呢個係六人 聚餐 . 腸腸:唔寫菜單好易出事,一係全部都係食差唔多一樣種類的食物,例如全部煎啦,全部肉啦;時間唔多仲要睇住黎決定製作次序;仲有唔整完唔睇番個牌會好易整漏野 .
回覆刪除你住where ga???? 吃唔晒call me la
回覆刪除小鳥:只係剩三片素雞卷 .
回覆刪除真係好多野食喎
回覆刪除小熊子:呢餐係冇飯供應,主要係飲酒多,係我倆細食啫,6個人食少咗啲啦,平時仲會係個小食度加多一兩味,有時間可能有湯,不過因為今次太趕,仲要樣樣made from scratch,有得食都算偷笑啦.
回覆刪除