今日晏晝冇去買餸,結果係夜晚走咗去吉X島買餸,行咗兩圈都唔覺有乜餸好買,忽然記起有個網誌講Chicken Roulade,於是就買咗件雞腿肉返去啦.點知搵唔到啲紗布去包件雞卷,唯有用微波爐保鮮紙去包再加繩扎成形狀,咁就唔拍煮完走咗樣啦
.
完成圖.
再加啲辣辣牛展,就係因為整呢個辣牛展,所以下晝冇時間去街市買餸
.整完發覺個汁辣過頭,唔可以用來上枱用,但又唔夠材料整多個甜啲嘅醬汁去平衡返個辣味,於是就咁食住先啦,星期二再整過個汁食.由於浸的時間唔係好耐,都係得表面入咗啲辣味,食時連同中間部份一起食就啱啱好啦.
我倆都唔喜歡這種雞皮的質感,既不脆口又不爽口,如果可以起咗啲雞皮,入面再加啲芝士補充返啲油份相信會更加好食.
沒有留言:
張貼留言