梅窩半天遊

大清早打完網球,返屋企hea咗一陣都唔知做乜,忽然諗下去離島玩下(星期六的交通費比星期天的便宜一半),數來數去都好似冇幾耐之前去過,剩低梅窩同長洲揀,結果選擇咗去梅窩,起碼四年冇去過啦.

小輪經過昂船洲大橋工地.

遠眺老鼠樂園.

開始進入梅窩啦,都仲要成五分鐘先拍碼頭.

今次咁啱撞正慢船,又咁啱撞正有仙遊人士同船...

沿著河邊小路進入梅窩.

約七八分鐘便到梅窩橋啦,都係最古舊個條橋好完啲,橋中間係木造,可以開合給高身船隻出入.

沙灘旁有一棵枯樹,好多年前呢棵樹應該好大.

旁邊放咗一隻龍舟係度,乜依家啲龍舟唔使放係陰涼地方咩

呢棵大榕樹有好多童年回憶.

比較少見的單層房屋.

回憶就係呢間燒味店,搬咗入來都未見過有燒肉賣,其實係時間唔啱,賣晒就收工.

仲有呢間電子遊戲機中心.

向左走向右走

途中啲建築都幾特別,不過唔知會唔會有人用.

廢棄咗嘅豬欄.

終於可以一見直身歐洲洗衣機內膽改造的燒烤爐,切開連接馬達的一面及頂部的開口,加上鐵枝及底層架設鐵絲網,再加一個外架升高內膽,就成為一個環保燒烤爐啦.洗衣機內膽的鋼水比較好,又有小孔可以通風,應該可以用上一段時間.

係白銀鄉內文武廟對開的風景,人手pano.

途中也有一些新型拍示牌.

如果係呢度去機場搭飛機唔知要預早幾耐時間出門呢.

銀礦瀑布,其實我都冇印象兒時有冇來過呢處.

瀑布分開兩邊.

係呢啲鄉郊環境當然有呢啲可愛生物啦,呢隻係我見過最大的一隻.

再行上少少就到銀礦洞.

乜唔係洞口上有個牌嘅咩.

洞口回望銀礦灣.

呢張都可以算係當年梅窩居住的人士嘅寫照,打風落雨固然冇得返屋企,就算係天朗氣清的日子遇上大東南風的時候,小輪都泊唔到碼頭.到現在青馬大橋通咗車,去寶蓮寺,大澳都唔需要再經過梅窩,昔日的繁華又變回鄉郊的平靜,

行到三點幾,係時候食飯啦,不過最緊要都係有兩枝冰凍啤酒飲,以前去開第一間,今次試下第二間啦.

豉油皇炒河,多油,豉油唔夠靚,不過夠鑊氣.

蒜茸粉絲蒸大沙白,沙白大隻味美,都係豉油唔夠香,計less.

椒鹽鮮魷,肉質ok,個粉漿唔夠薄,椒鹽用咗黑椒同鹽...

埋單二百有找,如果係當地人應該一半都得,不過個親戚唔係度,冇呢啲著數啦.呢兩間海鮮酒家,都係第一間好食啲(不過唔知依家有冇變),要係飲食雜誌賣廣告都係差少少先至要咁做.

More Photos