20070902的晚餐

食得太多西餐,都係時間煮返啲東方菜,原來都有大半年冇乜煮過啦,整起來總覺得有點不慣.第一味唔係我煮,日式南瓜雞肉丸,個雞肉變咗做粗粒,我喜歡有咬口啲免治肉,大幼細的話食起來有點怪.

第二味就係鯪魚肉魚鬆,鯪魚起肉後粗切再加冬菇,臘腸及陳皮,分兩次食用,今晚煎完就上枱,由於都唔係時候,啲臘腸只有形無味,攪到個魚鬆無晒味道,算係失敗作之一,要冬天合時再整過.明晚應該要用蠔油汁燴才可以改善個味道.

今日個湯水係將未食晒啲牛蒡加之前裁剩出來的紅蘿蔔,洋蔥,西芹,無花果,南北杏及粟米煲成的,材料經過高壓之後啲精華都熔解晒落啲湯水中,非常美味,(隔起咗啲湯先記得影相,所以得一半係個煲入面).

明天的早餐就用pizza底加入乾蕃茄,新鮮rosemary及黑橄欖而成,效果都算ok,下次可以更改筋粉個比例使個飽更鬆軟.