A380 @炮台山(加相)

今早搭頭班船去北角再行落去炮台山,呢幾日做咗好多資料搜集先搵到呢個靚位

,七點半過後才到海邊,已經有十個人係度等緊.

未夠八點鍾,架A380係青馬向南飛,不過未換鏡頭,放大先睇到.

過咗八點一個字都仲未見佢入維港

,但見到很高的天空有一架正常班次飛行,心想過埋呢架應該到啦,跟著有架飛行物體轉入維港.今日個大氣唔係咁清,對比度好低,啲相唔係咁靚,不過都係一個歷史時刻,其他都唔理得咁多啦,第一次進入維港.

第二次進入維港,海面個啲煙霧都散咗好多

.

手指慢慢一下一下按快門,因為30D用RAW個Buffer唔係咁大,要慳住用.

在頭頂不遠飛過,不過個噪音真係好低,值得一讚,其實可能係滑翔緊

.

興奮的心情使到手指按快咗,配合唔到個buffer,有少少delay先影到.

最後一次離開維港

.

最後幾張因向東太陽好光,機頭有少許over.

後記:自啟德關門之後第一次用digital影飛機,始終影得唔係咁好,原相有點鬆,應該個快門要加多級半左右先OK.

最後要特別多謝EVA小姐借出的小小白

,以後可能要多多向妳借鏡啦

.

More Photos