20070922的早午餐

咁好天氣,本來諗住去彭福公園,但係又怕落雨又怕曬,於是走咗去西貢hea.途中有一間馬來西亞印度店舖係橫街,唔曬又好風,就係咁係度hea咗成兩個鐘啦.

印度店例牌,薄餅及兩份醬汁,綠色隻香草汁就成日食,紅色個隻燒汁就未食過啦,不過我只係鍾意綠色,所以紅色的一點都沒有試過.

加多加多,菜沙律,偏辣,幾好食.仲有mango lassi,不過芒果味好假.

印度Naan及馬來西亞式咖哩雞.

印式烤羊肉,好似...,都仲有好多肉汁係肉入面.

炒飯,味都可以,但油多咗啲同埋飯用香米,唔係印度個隻long grain米,口感差少少.

因為有人唔食得辣,所以都係覺得啲味差少少,整體啲馬來西亞式印度咖哩都幾好食,味道一般香港人都會接受到.埋單都唔係好貴,平均80蚊一位.