20070922的晚餐

是晚唔係屋企食,走咗過對面海的街市食.

上得來都係去呢間,不過好似好多年冇來過啦.

今期飲日本啤酒.

未等齊人,叫住啲小食先,墨汁煮墨魚伴意粉.

放大啲睇都係咁黑,味就幾好,但係隻墨魚就煮得唔好食,可能隻墨魚唔夠新鮮.

雞醬炒雞軟骨,有馬蹄,油條,好野味.

XO醬橫喉小炒,腰果夠脆口,味都好好,但係啲喉管就薄但唔脆

.

炸蝦丸,都OK啦.

風沙雞,個皮都好脆,但隻雞本身唔係咁夠肉味

.

陳皮狗仔鴨,香料味好重,可以搵到香葉,桂皮,八角,但係又係隻冰鮮鴨出事,可能真係要去大陸食鴨鵝啦

.

泰式奶油蝦,剩係用咗椰汁冇落cream,唔夠杰身,蝦肉本身就普通游水個隻啦.

配麵包仔.

炸豬手,等咗好耐,食完都仲未到...個皮好脆口,可能係貨比貨關係,都係覺得食德國豬手好食啲.

到"甜品"啦,涼粉加極少許西米配重薑味糖水,我就唔覺辣啦,但係個個都話好辣

.

可能因為名氣太大,人多咗,啲質素好似差過以前,不過個次唔係食咗好多野,今次就真係試真咗佢啲味道.處理脆皮面就真係唔錯啦.有幾樣都係材料問題,所以唔係咁好食.香料的運用終唔係咁專業,呢個應該係我要求太高,料就齊啦,但係煮唔到個味出來.但係有一樣就真係唔得就係個點野用個醬汁,完全係水溜溜個種,差唔多可以分得出每樣原材料的味道.唔知係唔係間店舖大同有冷氣關係,啲食物差了一點鑊氣.

有時都仲係反思緊香港啲食肆走茶餐廳式乜都有係唔係一件好事呢,你可以走入一間方便就腳的食肆內食好多種類的東西,但大家都估到點啦,張張刀,冇張利.又等於大家去到唔同區的大商場入面,差唔多各大牌子都有分店係入面,去到邊個商場都差唔多,欠缺咗自己的特色.呢啲一窩風的心態再唔改一下,損失最終都係大家.