20070916的晚餐

今天行過文具店又買咗件玩意返來:一塊黑色的磁貼板.原來釣手寫字真係好難寫得公整,雖然字體就差啲,好在就咁都仲寫到直線,唔會好似打風咁,都係時候練下寫大字啦.

今日晏晝係街市買咗兩細條差唔多神仙的墨魚,仲第一次成功取咗兩個墨囊出來.之前都買過好多新鮮游水墨魚返屋企煮,但係每次返到屋企都係成袋墨...可能太新鮮的通常都係活躍啲,一受刺激就出墨,結果係洗餐飽.

上咗吉士粉炸啲墨魚個色就靚好多.

今晚個主菜,墨汁意大利飯.加啲帶子同蕃茄係旁邊,每食一角都有一小份配菜,感覺幾好.至於個飯味就好鮮,味道都幾複雜,意大利煙肉啲鹹味跟辣椒的辣味帶起咗墨魚汁個鮮味,洋蔥的甜味又平衡返啲鹹味...

後記:煮完墨汁啲煲係好難洗的.