20070914的晚餐

經過連續六小時的搶修,office部腦終於回復99%的功能,為咗慶祝一下,今晚就煮番個道地日本菜啦,每個日本家庭主婦一定識整的餸菜,sukiyaki.首先係日式高湯製作,木魚湯包加洋蔥加昆布加水.

之後係手打烏冬,材料如圖再加少少鹽,小麥粉袋後面有寫.

至於sukiyaki的材料有:牛肉,有機磨菇,大蔥,洋蔥,芋絲及豆腐.

煮完之後個顏色唔吸引,但係個味道就非常好.

正確的sukiyaki食法,樣樣齊,最好味一樣食材原來係芋絲同豆腐.

食完所有材料之後就燴烏冬,今次啲烏冬壓薄咗,少咗啲咬口,但係索晒啲肉汁入麵裡面,非常好味.

日本家庭菜本身都好慳,汁通常都唔會浪費,特別係有牛肉出現的時候,可惜今晚唔夠凍,如果唔係就用電磁爐熱住食,個風味又會唔同晒.